Il pausadi Viamala è il lieu che profitescha normalmain il pli fitg dal traffic usità da Pasca. El marchescha normalmain era l'entschatta da la stagiun. Enfin 4'000 giasts per di pudessan Martin Rohner, il manader dal pausadi, e sia squadra beneventar ed uschia far ina bella svieuta.
Ma normal n'è ussa nagut. Vias vidas, nagins giasts e quai malgrà aura da belleza. Il pausadi patescha. Ma perquai ch'els hajan lavurà bain ils davos onns, hajan els bunas reservas che gidian ussa en quest grev temp, uschia Rohner.
