Siglir tar il cuntegn

Header

cuntegn

Alvra/Albula Brinzauls ruschna uschè spert sco anc mai

Il «Rutsch da Brinzauls» sa muventa uschè fitg sco anc mai dapi ch’i vegn mesirà il moviment en la terra. Actualmain ruschna il vitg 1,6 meters l’onn. Avant in mais eran quai anc 1,4 meters l’onn, communitgescha la vischnanca d’Albula/Alvra.

Las valurs sur vischnanca stagnian levet, però sin aut nivel. Il pli fitg sa muventia la terra actualmain en ils lieus «vest» ed «insla». Quai saja remartgabel cunquai ch'i n'haja betg pluvì ordvart fitg cun tranter 10 fin 15 milimeters plievgia aifer 12 uras.

Pervia dals moviments hai dà pliras crudadas da crappa l'ultim temp. Dus blocs han cuntanschì ils prads – in da grondezza d'in bal da medischina è rudlà fin tar la plazza da sport.

Naiv che lieua pudess anc pegiurar la situaziun

Cunquai che la naiv n'è anc betg luada dal tut en ils auts, èsi da quintar ch'ils moviments s'augmentan vinavant. Tenor ils experts n'èsi però betg da quintar cun in eveniment pli grond las proximas emnas.

Ord l'archiv:

Il 2017, cura ch'ils Cuntrasts avevan rapportà dal «Rutsch», ruschnava il vitg anc radund 50 centimeters l'onn.

video
Igl Rutsch – mit deutschen Untertiteln
Or da Cuntrasts dals 19.11.2017.
laschar ir. Durada: 24 minutas 46 Secundas.

RTR novitads 11:00

Artitgels legids il pli savens