Siglir tar il cuntegn

Header

A Brinzauls na pon betg pli vegnir construidas chasas novas il mument pervi dal terren che sa mova ferm.
Legenda: A Brinzauls na pon betg pli vegnir construidas chasas novas il mument pervi dal terren che sa mova ferm. RTR, Federico Belotti
cuntegn

Albula/Alvra Vazarouls è nagina alternativa per Brinzauls

En il cas che Brinzauls daventass inabitabel pervi da la muntogna che ruschna, giess la gronda part dals pertutgads il pli gugent ad abitar a Vazarouls. Quai è il resultat d’ina enquista da la vischnanca Albula/Alvra preschentada l’october. Ussa è sa mussà, che quai na va betg.

La cumissiun «abitadi» da la vischnanca è vegnida tar la conclusiun, che Vazarouls n’è betg adattà per bajegiar novas chasas, en il cas che Brinzauls avess da vegnir evacuà. Bain haja gia dà tschertas resalvas gia avant, ma sajan quellas sa cumprovadas: Tenor il perimeter da donns actualisà, saja era il vest da Vazarouls betg pli adattà per in’eventuala translocaziun dals abitants. Perquai vegnia Vazarouls uss betg pli persequità enavant per construir novs abitadis.

Sco quai ch’i stat scrit plinavant en il bulletin actual da la vischnanca Alvra pertutgant la bova da Brinzauls, saja la schanza, che Brinzauls stoppia vegnir evacuà in di però anc adina pitschna – era sche la terra sa movia anc adina fitg ferm. La vischnanca sezza sa mova il mument per radund dus meters per onn.

audio
Per tadlar curt e cumpact
01:09 min, RTR Audio dals 16.12.2020.
laschar ir. Durada: 01:09 minutas.
Vista vers la bova da Brinzauls, fotografà davent da la Motta Palousa.
Legenda: Vista vers la bova da Brinzauls, fotografà davent da la Motta Palousa. RTR, Federico Belotti

RTR novitads 12:00

Artitgels legids il pli savens

Scrollar a sanestra Scrollar a dretga