Pertge ch’ils moviments èn s’augmentads per radund in quart n’è betg anc cler. Ins na sappia betg sche l’augment saja capità pervi da la ferma plievgia l’entschatta da zercladur u sch’i sa tractia da malperinadads dal sistem che mesira ils moviments. Quai è da leger en la pli nova publicaziun da la vischnanca Albula/Alvra, ch’infurmescha davart il «Rutsch» da Brinzauls, sco ch’el vegn numnà dals indigens.
Malgrà la ferma plievgia dal zercladur saja però mai stà da quintar che l’entira muntogna croda. Plinavant hajan ils sistems cun amplas, ch’averteschan da crudada da crappa, adina funcziunà endretg. La crappa che croda il mument da la muntogna saja actualmain d’ina dimensiun pli pitschna ch’era schon, tge che saja gnanc privlus.
Per tadlar curt e concis:
