Siglir tar il cuntegn

Header

audio
Nua vulan ils abitants da Brinzauls ir sch'els stuessan bandunar il dachasa per adina?
Or da Actualitad dals 03.03.2020.
laschar ir. Durada: 03:58 minutas.
cuntegn

En cas d'evacuaziun Abitants da Brinzauls favuriseschan Vazarouls sco alternativa

Avess Brinzauls ina giada betg pli dad esser abitabel pervi da la muntogna ch’è en moviment, vuless la gronda part dals indigens e possessurs da segundas abitaziuns dischlocar a Vazarouls. Ina pitschna part vuless far midada ad Alvagni.

Quai èn ils resultats d’ina enquista, ch’il stab directiv da la vischnanca Albula/Alvra ha fatg. Respundì l’enquista han 70% dals indigens ed 84% dals possessurs da chasas ed abitaziuns da vacanzas. Sco quai che Daniel Albertin, il president communal da la vischnanca Albula/Alvra ha ditg envers RTR, saja quella enquista fitg impurtanta per planisar, nua ch’i pudess duvrar dapli terren da bajegiar en l’avegnir.

La finamira da tut las stentas saja però, che Brinzauls restia abitabel er a lunga vista. Actualmain èn ils geologs ed experts vid examinar la muntogna sur Brinzauls, per guardar tge mesiras che pudessan vegnir realisadas per franar ils moviments dal terren.

La muntogna sur Brinzauls è en moviment - i dat blera crudada da crappa - sut datti in rempar.
Legenda: La muntogna sur Brinzauls è en moviment - i dat blera crudada da crappa - sut datti in rempar. RTR, Federico Belotti

RTR actualitad 11:00

Artitgels legì il pli savens

Nach links scrollen Nach rechts scrollen