Siglir tar il cuntegn

Header

La via chantunala a Brinzauls resta serrada almain enfin mesemna a las quatter il suentermezdi.
Legenda: La via chantunala a Brinzauls resta serrada almain enfin mesemna a las quatter il suentermezdi. Strassen.gr.ch
cuntegn

Brinzauls Nagin privel per populaziun malgrà crudada da crappa

Per motivs da segirezza è la via tranter Lantsch e Brinzauls serrada il mument. La populaziun da Brinzauls n’è perquai però betg en privel. Singuls craps èn crudads envers la via chantunala, n'han dentant betg cuntanschì ella.

Ils davos dis èn vegnidas mesiradas activitads pli grondas en la muntogna sur Brinzauls ch’è en moviment. Ier han ils geologs mesirà dapli che 60 moviments. Durant in di quiet èn quai mo tschintg. Tenor Christian Gartmann, l’incumbensà da communicaziun da la vischnanca Albula/Alvra saja pussaivel, che singuls craps pudessan sa distatgar e vegnir giu enfin en il conturn da la via chantunala. Per motivs da segirtad è quella serrada per il mument. La situaziun vegnia evaluada permanentamain, i possia però esser che la via restia serrada per in per dis. Per ils automobilists datti in sviament. Plinavant èn avant curt era vegnidas serradas diversas vias da viandar a Brinzauls, quai ord motivs da segirtad.

Per tadlar curt e cumpact:

RTR novitads 11:00

Artitgels legì il pli savens

Nach links scrollen Nach rechts scrollen