En l’ost da l’ustaria duai dar in parcadi per 120 autos ed in center per visitaders. Davent da quel duessi dar ina punt pendenta da 120 meters che va en ina caverna en il grip da l’auter maun da l’Alvra. Là duess vegnir construì la segunda punt pendenta da 240 meters che va fin tar la veglia punt da Solas.
Venderdi passà ha la radunanza communala approvà ina midada da zona necessaria. Ina dumonda da bajegiar po vegnir inoltrada, cura che la regenza ha approvà la midada da zona. Quai pudess succeder vers la fin da quest onn.
RR novitads 06:00
