Siglir tar il cuntegn

Header

cuntegn

Andeer Nova pratica da medis è pronta

La nova pratica da medis «Spada» ad Andeer è a fin. E quai in mais pli baud che previs. Manada vegn la pratica da l'ospital Tusaun, ch’ha suttascrit in contract da 10 onns cun la fundaziun Spada ch’è la possessura da la pratica.

L’avertura da la pratica è ils 4 da schaner 2021. La gestiun da quella ha la media da chasa Pia Schnyer ch’aveva enfin ussa la pratica en il bogn ad Andeer. Sustegn survegn ella da la media Maluela Malinger e dal medi Christian Kriegbaum.

audio
La nova pratica da medis ad Andeer avra en var duas emnas
ord Actualitad dals 18.12.2020.
laschar ir. Durada: 3 minutas 21 Secundas.

Sco quai che Reto Keller, il directur da l'ospital Tusaun ha ditg, ins vegnia ad entschaiver cun quels trais medis. En l’avegnir dettia quai dentant anc plaz per ulteriurs medis. En la pratica datti er ina pitschna apoteca ed in biro da la Spitex. En il medem bajetg èn plinavant vegnidas fabritgadas 13 abitaziuns. Il center Spada sa chatta tranter la chasa da tgira Glienda e la chanzlia communala.

RTR actualitad 07:00

Artitgels legids il pli savens