Tar il project da chalur a distanza ad Andeer datti midadas. Il partenari da project extern d'enfin uss saja sa retratg, è la radunanza communala d'ier saira vegnida a savair. La Recal SA che ha realisà la rait da chalur a distanza a Mustér, Breil e Val – ha sa retratg sco partenari da project extern. La raschun principals per la retratga saja ch'ign n'haja betg cuntanschì la capacitad dad interessents ch'els hajan miss sco Iso Mazzetta, il maiaprojects ha ditg envers RTR.
Nus essan uss puspè sin quader in; vul dir che nus stuain entschaiver da nov.
Ina gruppa d'interess vegnia uss ad elavurar in nov project ensemen cun la vischnanca. I dettia gia novs partenaris per il project da chalur a distanza. Quai sajan interprendiders da la regiun ed ina firma da partenari cun experientscha cun pignas da zinslas. Ils novs partenaris veglian dentant restar davos las culissas, fin ch'ins possian concretisar il nov project. Quel duess esser sin maisa la fin november. In punct concret che vegnia reponderà saja il lieu per il bajetg da la pigna. Cun qua ch'il era planisà da realisar la rait da chalur a distanza en il medem mument sco la sanaziun da la chanalisaziun da la Veia Granda ad Andeer stoppia er quella ussa vegnir spustada.
Andeer resta fidaivel a l'idea da chalur da distanza
La vischnanca dad Andeer veglia realisar ina rait da chalur a distanza. Il president communal Silvio Kunfermann di ch'el saja da buna speranza che quai vegnia a gartegiar. Sche quai na fiss betg il cas, alura saja da ponderar alternativas, ina da las sulettas pussaivladads alternativas fiss l'energia geotermica u la sanaziun da la pigna da zinslas ch'è vegnida en ils onns. Actualmain saja la finamira da sclerir, sch'il project alternativ haja ina schanza. Ina da las pli grondas sfidas saja da chattar avunda chasadas che hajan interess da sa colliar cun la nova rait da chalur a distanza. Per il cas ch'il project gess propi dal tuttafatg da rendì, vegnia alura lavurà cun forza cumplaina vi da l'alternativa. Il temp pudess numnadamain vegnir stgars, il stgaudament actual sto sfurzadamain vegnir sanà u remplazzà la fin dal 2025.
