Silvio Kunfermann è vegnì elegì sco nov president communal a la radunanza communala d'Andeer. El ha candidà per remplazzar Hans Andrea Fontana che sto chalar pervi da la limitaziun da temp d'uffizi.
Gerhard Caspar è vegnì elegì en suprastanza communala. El vegn per Andreas Mani, che sto medemamain chalar pervi da la limita da temp d'uffizi. Ils ulteriurs commembers da la suprastanza èn vegnids reelegids.
Plinavant ha il suveran approvà il preventiv da la vischnanca per il proxim onn. Quel prevesa in surpli da radund 14'000 francs ed investiziuns nettas da radund 980'000 francs. Il pe da taglia resta tar 90% da la taglia chantunala simpla.
