Grischun Central - Anteriura miniera Bellaluna vegn renovada
Las restanzas da l’anteriura miniera Bellaluna tranter Filisur e Bravuogn vegnan restauradas. Uschia vegnan las trais pitgas che faschevan part ad in bajetg che cumpigliava in furn per luentar metals francadas cun ancras sin la terra. Uschia na pon els betg pli sballunar.
Legenda:
Las puntanadas èn montadas, e las trais pitgas èn stabilisadas.
RTR, Federico Belotti
2 / 6
Legenda:
L'expert da minieras Hans Stäbler ed Iris Castelberg dal servetsch tecnic da la vischnanca Bravuogn Filisur.
RTR, Federico Belotti
3 / 6
Legenda:
Ils mirs ston vegnir sanads.
RTR, Federico Belotti
4 / 6
Legenda:
Dal maun sanester è da vesair l'anteriura ustaria Bellaluna, che vegniva pli baud duvrada sco chasa d'administraziun da la miniera Bellaluna.
RTR, Federico Belotti
5 / 6
Legenda:
Gia cura ch'ils mirs èn vegnids construids, è vegnida installada questa traversa da lain.
RTR, Federico Belotti
6 / 6
Legenda:
Quest mir vegn era sanà quest atun.
RTR, Federico Belotti
Tenor infurmaziuns da la vischnanca Bravuogn Filisur duessan las lavurs esser a fin la fin da quest october. La primavaira duessan lura anc vegnir fatgas las lavurs da semnar, plinavant duessan vegnir installadas tavlas d’infurmaziun. Ils custs muntan a radund 360'000 francs. Finanziada vegn la renovaziun entras donaziuns e contribuziuns dal maun public.
audio
Mezdi: Filisur: Lavurs da renovaziun vid miniera
03:11 min, ord Actualitad dals 23.09.2019.
laschar ir. Durada: 3 minutas 11 Secundas.
Impurtant center industrial
Durant plirs tschientaners vegnivan en la miniera da Bellaluna explotads metals. Grazia il guaud che purscheva blera laina dad arder era il lieu era ideal per explotar metals or da la crappa che vegniva manada surtut dal Grischun Central e da Tavau a Filisur. Propi rendì ha la ferraria mai, il 1840 è la firma ch’elavurava ils metals ida bancrut. Oz èn anc da vesair differents mirs da l’anteriura ferraria che vegnan ussa sanads.
