La Viafier retica ha avert uffizialmain il nov tunnel da l'Alvra. Sco quai che la Retica scriva, èn stads passa 300 giasts stads envidads a la festa d'avertura, tranter quels era la regenza grischuna e la gronda part da las parlamentarias e dals parlamentaris federals. E sco giast d'onur era s'annunzià il cusseglier federal Albert Rösti.
-
Bild 1 von 27. L'avertura da l'Alvra II vegn festivada da la populaziun. Bildquelle: RTR.
-
Bild 2 von 27. L'avertura da l'Alvra II vegn festivada da la populaziun. Bildquelle: swiss-image.ch/ Andy Mettler.
-
Bild 3 von 27. Impressiuns da las activitads da festa a Preda-Berguen. Bildquelle: swiss-image.ch/ Andy Mettler.
-
Bild 4 von 27. Impressiuns da las activitads da festa a Preda-Berguen. Bildquelle: swiss-image.ch/ Andy Mettler.
-
Bild 5 von 27. Durant il di dal public sa rimnan fans gronds e pitschens da la Viafier retica. Bildquelle: swiss-image.ch/ Andy Mettler.
-
Bild 6 von 27. Impressiuns da las activitads da festa a Preda-Berguen. Bildquelle: swiss-image.ch/ Andy Mettler.
-
Bild 7 von 27. Impressiuns da las activitads da festa a Preda-Berguen. Bildquelle: swiss-image.ch/ Andy Mettler.
-
Bild 8 von 27. Bildquelle: RTR.
-
Bild 9 von 27. President dal Cussegl grond Franz Sepp Caluori. Bildquelle: swiss-image.ch/ Andy Mettler.
-
Bild 10 von 27. Mario Cavigelli (mez), anteriur cusseglier guvernativ e president dal cussegl administrativ da la Viafier retica. Bildquelle: swiss-image.ch/ Andy Mettler.
-
Bild 11 von 27. Bildquelle: RTR.
-
Bild 12 von 27. Bildquelle: RTR.
-
Bild 13 von 27. Bildquelle: RTR.
-
Bild 14 von 27. Presidenta communala da Bever Selina Nicolay. Bildquelle: swiss-image.ch/ Andy Mettler.
-
Bild 15 von 27. Bildquelle: RTR.
-
Bild 16 von 27. Bildquelle: RTR.
-
Bild 17 von 27. Avertura dal tunnel Albula 2. Bildquelle: Swiss-Image Andy Mettler.
-
Bild 18 von 27. Bildquelle: Swiss-Image Andy Mettler.
-
Bild 19 von 27. Bildquelle: RTR.
-
Bild 20 von 27. Mario Cavigelli, Jon Domenic Parolini, Albert Rösti e Renato Fasciati. Bildquelle: swiss-image.ch/Bild Andy Mettler.
-
Bild 21 von 27. Bildquelle: swiss-image.ch/ Andy Mettler.
-
Bild 22 von 27. Bildquelle: RTR.
-
Bild 23 von 27. Avertura dal tunnel Albula 2. Bildquelle: swiss-image.ch/ Andy Mettler.
-
Bild 24 von 27. Bildquelle: RTR.
-
Bild 25 von 27. Bildquelle: RTR.
-
Bild 26 von 27. Bildquelle: RTR.
-
Bild 27 von 27. Bildquelle: RTR.
Il nov tunnel da l'Alvra ha custà 407 milliuns francs, ha ina lunghezza da passa 5'800 meters e la construcziun ha durà radund 10 onns. Il tunnel da l'Alvra vegl era vegnì construì avant passa 120 onns.
Durant diesch onns è il tunnel d'Alvra II stà il pli grond plazzal dal Grischun. La fin d'emna è el vegnì inaugurà cun pliras occurrenzas. La sonda è stà il di cun l'act festiv e la dumengia ha la populaziun gì la pussaivladad da visitar il tunnel. Gist avant las festivitads, il venderdi, ha la Viafier retica anc fatg sia radunanza generala a Preda.
Avant l'avertura è il tunnel vegnì testà cun in exercizi da las organisaziuns da salvament.
Il tunnel da l'Alvra remplazza il vegl tunnel ch'è vegnì construì dal 1898 fin 1903. Quel vegn en il futur duvrà sco tunnel da salvament, cun tunnels da colliaziun tranter ils dus tunnels.
En mo 5 onns temp da construcziun è vegnì chavà il tunnel da 5'864 meters tras la muntogna. 1'316 umens han lavurà vi ed en il tunnel, 16 han pers la vita durant las lavurs. Il tunnel d'Alvra è cun ina media dad 1800 meters sur mar la pli auta perfuraziun da las Alps d'ina viafier. Suenter in temp da construcziun da 5 onns è vegnida festivada il prim da fanadur 1903 l'avertura dal project ch'ha custà 7,3 milliuns francs.
Sfida durant la construcziun
In punct decisiv da las lavurs da construcziun è stà ina zona da corniola (in spezial grip, era tar il nov tunnel è quai stà ina sfida).
En la scrittira commemorativa «Albulabahn» dal 1908 stat scrit latiers: «A l'entschatta ha il dolomit cellular gì il caracter d'in crap da tuf lev, che sa laschava gudagnar levamain senza lavur da maschinas, ma cura che la gallaria è arrivada ils 29 da fanadur tar [meter dal tunnel] 1'192, ha tuttenina rut en il tunnel ina immensa quantitad d'aua ch'ha purtà uschè grondas massas da sablun da las Dolomitas ch'il binari e l'entira sulada da la gallaria sin 500 meters lunghezza è vegnida cuvrida cun quai.»
L'avanzament dal tunnel è alura sa fermà praticamain cumplainamain ed ha finalmain manà a la capitulaziun da l'interpresa da construcziun incumbensada. La superaziun da la zona da disturbi sut la direcziun da la Retica ha durà var in onn.
Or da l'archiv
Sin ses viadi da Mustér a Müstair, il 2022, ha il moderatur da RTR Livio Foffa era gì la chaschun da traversar il nov tunnel d'Alvra.