Siglir tar il cuntegn

Header

Aita Gasparin
Legenda: Aita Gasparin siemia d'ina medaglia al campiunadi mundial da chasa il 2025 a Lai Keystone
cuntegn

Biatlon Campiunadi mundial 2025 vegn a Lai

Success istoric per la scena da biatlon en Svizra. Per l’emprima giada insumma po la Svizra organisar in campiunadi mundial da biatlon. Quel vegn manà atras il 2025 a Lai. La candidatura grischuna ha persvadì l’Uniun internaziunala da biatlon ch’ha stuì decider tranter Lai e Minsk en la Bielorussia.

La Biatlon Arena Lai ha uschia gì success gist cun sia emprima candidatura. Il lead da quest campiunadi mundial ha dentant Swiss Ski.

Enfin uss n'ha la Svizra anc mai organisà campiunadis mundials da biatlon, in sport ch'è ils davos onns adina vegnì pli popular, er grazia a las bunas prestaziuns da la atletas ed ils atlets svizzers, sco per exempel da Selina Gasparin ch'ha gudagnà argient als gieus olimpics a Sotschi il 2014.

Il 1985, pia avant 35 onns, aveva Egg am Etzel organisà sulet in campiunadi mundial da las dunnas. Sper Lai ha la IBU er surdà il campiunadi mundial da biatlon 2024. In onn avant il Grischun èn ils Tschecs da Nove Mesto en roda.

RTR novitads 18:00

Artitgels legids il pli savens

Scrollar a sanestra Scrollar a dretga