audio
Silvio Baselgia: «In mument istoric per tuts, per il sport da biatlon e l'entira Svizra.»
ord Actualitad dals 14.11.2020.
laschar ir. Durada: 6 minutas 15 Secundas.
La Biatlon Arena Lai ha uschia gì success gist cun sia emprima candidatura. Il lead da quest campiunadi mundial ha dentant Swiss Ski.
Enfin uss n'ha la Svizra anc mai organisà campiunadis mundials da biatlon, in sport ch'è ils davos onns adina vegnì pli popular, er grazia a las bunas prestaziuns da la atletas ed ils atlets svizzers, sco per exempel da Selina Gasparin ch'ha gudagnà argient als gieus olimpics a Sotschi il 2014.
Il 1985, pia avant 35 onns, aveva Egg am Etzel organisà sulet in campiunadi mundial da las dunnas. Sper Lai ha la IBU er surdà il campiunadi mundial da biatlon 2024. In onn avant il Grischun èn ils Tschecs da Nove Mesto en roda.
