Bilantscha mediocra per festival da «Goa»

L’Uniun Klangwerk ch’ha organisà il festival «Summer Never Ends» cun musica electronica a Rona, fa ina bilantscha mediocra. Per scriver ina nulla naira avessan ils organisaturs stuì avair 11’000 visitaders che pajan in’entrada. Effectiv sajan quai però stads mo 8’000.

Laschar ir video «Summer Never Ends Festival a Rona»

Summer Never Ends Festival a Rona

4:00 min, Actualitad video dals 31.7.2015

Quai ha confermà Corinne Rageth, la pledadra dal festival. Quant aut ch’il deficit munta n’è betg anc cler. Ins speria ussa però ch’ils partenaris vegnian encunter in pau als organisaturs. Il Summer Never Ends festival a Rona ha gì lieu per l’otgavla giada. Sch’i vegn a dar ina novavla ediziun, n’ha Corinne Rageth betg pudì dir.