Siglir tar il cuntegn

Header

Il tunnel da drenascha
Legenda: Il tunnel da drenascha MAD
cuntegn

Bova da Brinzauls Il tempo s'è calmà sur stad

Il tempo da la Bova da Brinzauls è sa calmà sur stad, sco quai ch'igl è usità. Sulet la part «Insla» sa mova marcantamain pli svelt, cun 14 meters l'onn. Quella part reagescha fitg ferm sin la plievgia, scriva la vischnanca Alvra en ses bulletin mensil. En il vitg cuntinuescha la tendenza ch'il terren sa mova pli plaun. Sur tut en il vest, nua ch'il tunnel da drenascha è en funcziun è la differenza da sentir. Damai che la stagiun umida e fraida cumenza uss, èsi da far quint ch'il terren a Brinzauls sa mova puspè pli svelt. Suenter plievgia poi il proxim temp er puspè dar dapli crudadas da crappa.

Moviment actual

Avrir la box Serrar la box
Legenda: vischnanca Albula/Alvra

Meters per onn / trend da dus mais

  • Plateau: 2,5 m / tschessant
  • Front: fin 2,5 m / tschessant
  • Vest: 5.5 m / puspè tschessant suenter creschientscha l'october pervi da plovia
  • Insla: 14 m / creschent
  • Caltgeras: 4,9 / levamain tschessant
  • Vitg: 1,2 m / tschessant

Construcziun dal tunnel

Il tunnel da drenascha è finì cun paucas surpraisas tecnicas e geologicas. Uschia è la construcziun stada pli favuraivla che spetgà. Il november vegnan fatgas duas ulteriuras furadas da 150 meters senza surpassar il budget.

Ins possia gia constatar in effect positiv che dapli aua giaja tras il tunnel e la spertadad da la bova prendia giu.

carta cun nudà tge ch'è gia exchavà e tge che sto anc vegnir fatg.
Legenda: Vischnanca Alvra
video
Il tunnel da sondagi da Brinzauls
Or da Telesguard dals 27.04.2022.
laschar ir. Durada: 4 minutas 6 Secundas.

Crap rodla fin sin via principala

Ils 25 da matg han craps cuntanschì la via chantunala tranter Lantsch e Brinzauls. La via è vegnida serrada automaticamain, malgrà ch'i n'ha dà nagins donns. Ils responsabels da la vischnanca sclereschan sch'igl è necessari da proteger en l'avegnir il post per rimnar rument.

In crap sin la via tranter Lantsch e Brinzauls
Legenda: Vischnanca Alvra

Evacuaziun dal tripticon da la baselgia

Il matg aveva la vischnanca annunzia da vulair laschar sclerir experts co l’altar cun alas da la baselgia Sogn Calixtus pudess en il mender cas vegnir evacuà. I sa tractia d’in dals pli impurtants altars dal Grischun. Areals e figuras da l'altar ch'èn levamain accessibels vegnian controllads sin donns per evaluar co ch'ins sa evacuar quel. L'examinaziun dura radund in onn.

L'altar cun alas en la baselgia Sogn Calixtus.
Legenda: L'altar cun alas en la baselgia Sogn Calixtus. vischnanca Albula/Alvra

Material da mendra qualitad che spetgà

Radund 40% dal material or dal tunnel da sondagi po vegnir duvrà sin il bajetg. Quai è pli pauc che spetgà oriund. Avant las lavurs avevan ins quintà ch'ins possia duvrar radund 70% dal material. Il crap da plattas exchavà è dentant pli rumpaivel che spetgà. El rumpa en parts uschè pitschnas, ch'ins na possia betg pli duvrar el per lavurs da construcziun. Perquai ston ussa radund 60% dal material vegnir dismess sin la deponia Crappa Naira.

RTR novitads 16:00

Artitgels legids il pli savens

Scrollar a sanestra Scrollar a dretga