Siglir tar il cuntegn

Header

cuntegn

Bravuogn e Filisur-Alvra Co-presidi per plaiv refurmada fusiunada

La Val Alvra survegn ina nova plaiv refurmada, la gievgia saira è stada a Filisur la radunanza constitutiva. La nova plaiv ha num «Evangelisch reformierte Kirchgemeinde Val d’Alvra».

La nova plaiv è ina fusiun da las anteriuras plaivs independentas da Bravuogn e Filisur-Albula/Alvra. En vigur va la plaiv il 1. schaner 2021. Dorli Josty da Bravuogn e Bigna Florinett da Filisur partan il co-presidi. A la suprastanza fan part sis persunas.

Cun fusiunar las plaivs duai er vegnir pli simpel da chattar ina successiun per la plevonessa actuala – en vista a la pensiun da quella. Plinavant saja quai suenter la fusiun politica ussa era il pass logic da fusiunar la plaiv da la baselgia, hai gì num a la radunanza da constituziun la gievgia saira.

Per tadlar curt e concis:

audio
Co-presidi per la plaiv fusiunada
ord Actualitad dals 18.09.2020. Maletg: RTR
laschar ir. Durada: 53 Secundas.

RTR novitads 12:00

Artitgels legids il pli savens