La chasa da scola a Bravuogn dat da nov era suttetg a la pratica da medi. La radunanza communala da Bravuogn Filisur ha approvà gievgia saira in credit brut da 3 milliuns francs persuenter. Quel serva per integrar la pratica da medi en stanzas da la scola che na vegnan actualmain strusch duvradas. Vitiers vegn ina part dal bajetg sanada energeticamain. Da las 138 persunas preschentas è la fatschenta vegnida approvada unanimamain, cun ina abstenziun.
Plinavant han ils votants e las votantas da Bravuogn Filisur approvà dus credits da total pli ch'in mez milliun francs per renovar duas punts da vias da guaud.
