La furnaria Casparin che vegn manada da Daniele e Heidi Forino sa chatta actualmain en ina gronda renovaziun. Tut il local vegn modernisà, paraids vegnan sbuvadas ed i dat mo pli in salv principal cun butia e café.
Nagin service a la plazza pli
In element central da la renovaziun è il nov self-service en il café: enstagl da servetsch al plaz, vegn ussa introducida l’autoservetsch.
-
Bild 1 von 3. Daniele e Heidi Forino mainan il café Casparin dapi passa 10 onns. Bildquelle: RTR.
-
Bild 2 von 3. Impressiuns da la renovaziun. Bildquelle: RTR.
-
Bild 3 von 3. Il mir tar l'entrada en butia ed en il café vegn sbuvà. Bildquelle: RTR.
Cun questa mesira possian ins spargnar ina plazza da lavur – las qualas che sajan adina pli grev d'occupar, di Daniele Forino.
Uschia pon ins spargnar ina plazza da lavur, quai è impurtant perquai ch’ozendi daventi adina pli grev da chattar avunda persunal.
Il local avert permettia er da tegnair meglier la survista sin ils clients.
Damain maisas
Il dumber da plaz da seser vegn reducì da 60 a 40, quai saja dentant avunda, din ils possessurs. Da nov datti en menu da mezdi ch’è gia prefabritgà sco per exempel ina pasta las bunas experientschas da la filiala Valbella conferman, declera Daniele Forino.
-
Bild 1 von 3. Il mument datti mo in «foodtruck» dasper la butia. Bildquelle: RTR.
-
Bild 2 von 3. Anc vegn renovà. Bildquelle: RTR.
-
Bild 3 von 3. Alina Mihai en il bus provisoric dal café Casparin. Bildquelle: RTR.
En las filialas da Valbella e Casti na vegnan fatgas naginas renovaziuns. Fin la nova avertura a Savognin è installà in local provisoric davant la filiala, cun ina pli pitschna selecziun da products.