Sco quai che Rico Schnöller, il co-ustier da l'hotel Albula Julier a Casti ha ditg, vivia l'hotel surtut da gruppas. Questa stad haja l'hotel gì prest naginas gruppas e mo giasts singuls, uschia ch’i saja da quintar cun in minus da circa 60% en congual cun l’onn passà. Surtut ils giasts da l’Ollanda, la Gronda Britannia e la Germania hajan mancà.
A Tusaun èn ins pli cuntent. Sco quai che Thomas Rüegg, il possessur ed ustier da l'hotel Weiss Kreuz ha ditg, hajan els gì questa stad levet dapli giasts che la stad da l’onn passà. Blers giasts hajan ditg ch’els hajan enfin uss enconuschì Tusaun mo dal passar sperasvi sin il viadi en direcziun sid. Questa stad hajan blers decidì da vegnir a Tusaun e da far excursiuns en la regiun.
