Cunter il project turistic da duas punts pendentas en la chavorgia da Solas datti recurs avant dretgira administrativa. Quai rapporta il schurnal regiunal da Radio SRF. La fundaziun svizra per la protecziun da la cuntrada sa dosta cunter las punts da 120 e 240 meters. Er il WWF e Pro Natura crititgeschan il project, en spezial perquai ch'i stuess vegnir runcà guaud.
Il project
Sper la via chantunala tar l’ustaria Punt da Solas vegniss construì in center per visitaders cun 100 parcadis. Davent da là duessi dar ina punt pendenta da 120 meters lunghezza che giess en la chavorgia sur il flum Alvra dasper il lai da fermada da Nisellas. Suenter ina storta en ina caverna, duess ina segunda punt pendenta da 240 meters lunghezza manar vi enfin tar la punt da Solas da la Viafier retica.
