Siglir tar il cuntegn

Header

audio
Duas punts pendentas sur la chavorgia Solas chaschuna per critica
Or da Actualitad dals 25.11.2019.
laschar ir. Durada: 03:52 minutas.
cuntegn

Duas punts pendentas Critica envers project turistic a Solas

Il fanadur ha la radunanza communala Albula/Alvra approvà ina miada da zona per construir duas punts pendentas cun caverna sur la chavorgia a Solas. Probabel l’entschatta da l’auter onn vegn la regenza a prender posiziun envers la midada da zona. Resistenza datti da las organisaziuns da l’ambient.

L’intent saja sulettamain da porscher in’attracziun, la punt n’haja insumma nagin intent da colliar ina val cun l’autra: «Quai è in mobigliament nunnecessari da la cuntrada», ha ditg Franziska Grossenbacher da la Fundaziun Svizra per la cuntrada. Ensemen cun la Pro Natura Grischun, il WWF Grischun e Mountain Wilderness Svizra han els prendì posiziun sin l’exposiziun publica, nua ch’i va per il plan general d’equitaziun dal terren sin il territori d’Alvaschagn.

Suandants puncts vegnan crititgads:

  • Il project Aventura Alvra sa chatta en la zona circumdanta da l’Unesco ch’i valia da proteger.
  • Il project cuntrafetschia a la lescha davart la protecziun da las auas: Las punts n’hajan nagina funcziun da colliaziun.
  • La chavorgia da Solas saja in abitadi impurtant per cuaders dal grip (Felsenbrüter), in’expertisa ornitologica saja indispensabla.
  • L’interess public na saja betg uschè grond, che giustifitgass da runcar 650 meters quadrat guaud.

RTR actualitad 11:45