Siglir tar il cuntegn

Header

audio
Colliaziun Nord-Sid: 200 onns via commerziala
Or da Actualitad dals 10.11.2022.
laschar ir. Durada: 3 minutas 5 Secundas.
cuntegn

Colliaziun tranter sid e nord 200 onns via commerziala

Il 1823 è la via commerziala vegnida surdada al traffic. Ussa vegnan fatgas las preparativas per la festa da giubileum. La festa duai il medem mument er esser il punct da partenza per ina ulteriura purschida turistica en la regiun Viamala.

La via commerziala è la pli curta colliaziun tranter nord e sid. Tranter Cuira e Bellinzona, respectivamain Chiavenna ha la via gì l'entschatta er in influenza sin la cultura e natiralmain il commerzi. La regiun turistica Viamala vuless nizzegiar il giubileum per dar paisa a la muntada d'ina giada e per mussar l'impurtanza che las colliaziuns istoricas han anc ussa.

Fabienne Barras
Legenda: Fabienne Barras da Viamala turissem. RTR, Toni Poltera

Fabienne Barras, la responsabla tar Viamala turissem per las festivitads, è persvadida che las festivitads sur ils trais mais da stad 2023 èn ina entschatta per ina cuntinuaziun e per ina purschida turistica en cumbinaziun cun la chavorgia da la Viamala e la Via Spluga ch'è ina purschida per viandants. La via commerziala duai mussar a viandants, visitaders ed interessads l'impurtanza da la via per la cultura e la culinarica per la regiun. Uschia sajan cun la via commerziala avant 200 onns er vegnidas construidas diversas ustarias e hotels.

RTR actualitad 08:00

Artitgels legids il pli savens

Scrollar a sanestra Scrollar a dretga