-
Bild 1 von 3. Ina scena or dal toc Violas da Faller, che vegn preschentà en il hotel Liun a Mulegns. Bildquelle: RTR, Federico Belotti.
-
Bild 2 von 3. La Commedia da Origen preschenta ina scena or dal toc Cucagna ch'è da vesair a partir dals 11 da zercladur. Bildquelle: RTR, Federico Belotti.
-
Bild 3 von 3. Ina scena or dal program da stad da Origen. Bildquelle: RTR, Federico Belotti.
Origen preschenta diesch premieras, in festival da saut internaziunal sco era ina collavuraziun cun la Scola politecnica federala ETH che preschenta a Riom pitgas da betun che vegnan fatgas tenor ina nova metoda.
Stars da l'entir mund
Chantà, sunà, giugà e sautà vegn en differents lieus dal Grischun, las preschentaziuns principalas èn en la tur dal pass dal Güglia, a Mulegns ed a Riom. Sco mintg’onn datti in program da cumedia. E duvrà vegn era puspè il chastè da Riom. Là vegn preschentà il teater da musica «Schöne Welt» che sa basa sin ovras da Franz Schubert. Durant la stad èn preschents artists, sautunzs e chantadurs da St. Petersburg, Paris, l'Australia, Vienna, Hamburg, Minca e dal Grischun. Puspè preschents èn solists dals ballets da stadi da Vienna e Minca, dal teater Mariinsky da St. Petersburg e da l’Opéra Garnier da Paris.
Link
RR actualitad 17:00