Grischun Central - Origen collavura cun la ETH - Novitads

Grischun Central Origen collavura cun la ETH

La stad 2019 preschenta il festival cultural Origen ses emprim project da construcziun cuminaivel cun la Scola politecnica federala da Turitg ETH. En la Clavadeira a Riom è vegnì preschentà en tge direcziun ch’i duaja ir.

Autur: RTR, Federico Belotti

Cun agind d'in projectur ha Origen gia ina giada mussà tge ch'ins po spetgar questa stad.

Cun agid d'in projectur ha Origen gia ina giada mussà tge ch'ins po spetgar questa stad.

Giovanni Netzer, l'intendant da Origen è fascinà da las novas tecnologias da stampar en trais dimensiuns.

Benjamin Dillenberger da la Scola politecnica da Turitg è sa spezialisà sin projects da construcziun digitala.

Il professur Benjamin Dillenburger mussa l'object ch'el ha fatg per in'exposiziun en il Centre Pompidou da Paris.

La Scola politecnica è il mument vi dal sviluppar las tecnologias da stampar en trais dimensiuns. Quai vul dir ch'igl è pussaivel da stampar cun agid d'in computer elements da betun per construir chasas. Origen vul nizzegiar questa tecnologia per stampar objects da betun per il festival cultural. Uschia duai vegnir construì a Riom gia la stad proxima in guaud da pilasters ornads ch'ins po percurrer sutor. Ils Pilasters duain era vegnir nizzegiads per tocs da teater. L'onn 2020 allura duai vegnir construì cun la medema tecnologia in salv pli grond che deriva dal tuttafatg dal stampader da trais dimensiuns. Quest salv duai lura vegnir exponì en l'hotel Liun a Mulegns.