Siglir tar il cuntegn

Header

video
Dis dal film mundial a Tusaun sut l'ensaina da corona
Or da Telesguard dals 02.11.2020.
laschar ir
cuntegn

Dis dal film mundial Tusaun Success malgrà deficit

Cun la mesira da corona che be 50 persunas dastgan entrar, è in deficit stà cler gia ordavant.

Ils Dis dal film mundial han fatg frunt al coronavirurs. Durant 5 dis èn vegnids mussads 23 films ord 19 pajais da quatter continents. Films ch'èn vegnids producids sut cundiziuns extraordinarias per exempel en la Siria, il Butan u l'Arabia Saudita.

I va betg mo per nus che mirain ils films. I va per il respect per las culturas e las persunas che han creà ils films sut cundiziuns difficilas.
Autur: Flurina BadelPledadra da medias dis dal film mundial.

La pandemia da corona e sias consequenzas engrevgiescha la lavur artistica da film. E gist perquai dettia er ils Dis dal film mundial, ha declerà la pledadra da medias, Flurina Badel.

Co realisar auters formats, co star en per cultura cun resguardar las mesiras da corona, quai èn las sfidas.
Autur: Flurina BadelPledadra da medias dis dal film mundial.

Cun las restricziuns da corona che lubeschan mo 50 persunas en la sala da Kino èsi cler, ch'i vegn a dar in deficit, han ils organisaturs fatg a savair. Vegn vitiers che blers sponsurs han l'ultim mument anc scursanì lur contribuziuns.

Sche corona ha l'effect che nus n'essan betg pli averts in vers l’auter e per las differentas culturas, lura è quai ina catastrofa.
Autur: Flurina BadelPledadra da medias dis dal film mundial.

Malgrà las cundiziuns finanzialas pauc plaschaivlas, vulan ils organisaturs realisar er il 2021 ils Dis dal film mundial a Tusaun.

Cultura n'è nagin luxus, cultura è in basegn fundamental.
Autur: Flurina BadelPledadra da medias dis dal film mundial.

Ord l'archiv

video
Ils Dis da film mundial a Tusaun èn in eveniment cultural
Or da Telesguard dals 31.10.2017.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga