Dramas da fugitivs tar Origen

Gievgia saira è stada la premiera dal toc «Exil» dal program da l’onn da Exodus dal festival cultural Origen. Il choreograf Eno Peci sa fatschenta cun las sautunzas ed ils sautunzs dal ballet da stadi da Vienna davart famiglias, ch’èn vegnidas separadas.

Il toc "Exil" vegn dà en il chastè da Riom: Maletg: Sautunzas e sautunz Bild in Lightbox öffnen.

Legenda da maletgs: Il toc "Exil" vegn dà en il chastè da Riom. RTR, F. Belotti

Era il choreograf sezs è in immigrant. El è naschì en l’Albania ed è ord motivs da guerra immigrà a Vienna en la vegliadetgna da 15 onns. Sia carriera da ballet ha cumenzà en l’academia da ballet a Tirana sco era en la scola da ballet da l’opera da stadi da Vienna. Dapi l’onn 2’000 è el commember dal ballet da stadi da Vienna.

Trais temas d'immigraziun

Dasperas il toc «Exil», sa fatschenta Origen l’avust anc cun auters temas d’immigraziun. Quai en il toc «Departure» da Juanjo Arques che vegn preschentà en la clavadira da Sontga Crousch, sco era il toc «Einsam» da Peter Conradin Zumthor en il schler da protecziun civila a Riom. Las datas da preschentaziun èn da chattar sut www.origen.ch