Ils transports dals praschuniers sajan succedids davent da las 07:00 uras la damaun enfin a las 15:00 uras il suentermezdi. La praschun porscha plaz a 152 praschuniers. La directura da la praschun quinta, ch’enfin circa l’atun vegnian ins ad emplenir tut las cellas da la praschun. Ils praschuniers derivan da l’entira Svizra orientala, tranter auter era da Turitg e da Son Gagl.
audio
Ils emprims praschuniers èn arrivads en la praschun Tignez
ord Actualitad dals 13.02.2020.
laschar ir. Durada: 3 minutas 26 Secundas.
Ord raschuns da segirtad n’è il di da la midada betg vegnì communitgà ordavant. Atgnamain era quai stà previs dad avrir la praschun a Cazas gia il schaner. Pervi da blers novs collavuraturs e cumplexas mesiras da segirtad, hai dà in pitschen retard cun l’avertura.
Legenda:
Ines Follador-Breitenmoser è stada radund otg onns directura dal Sennhof a Cuira, ussa è ella la directura da la nova praschun a Cazas.
RTR, Federico Belotti
RTR novitads 18:00
