Filisur survegn puspè in festival da musica electronica, era numnà festival da goa. Sis onns suenter l’ultim «One Love Festival» ha lieu al medem lieu il nov «Nation of Legends Festival» – in eveniment cun musica electronica ed inscunters amez la natira. Ils organisaturs quintan cun radund 1'000 fin 1'500 giasts.
Vischnanca lubescha il festival
La vischnanca ha approvà il project e sustegna l'emprova da crear ina nova tradiziun da festivals. Il president communal Luzi Schutz di: «Nus dain a quest nov festival ina schanza – er perquai che nus avain regurdientschas positivas dals eveniments da pli baud.»
Entrada gratuita per indigenas ed indigens
Organisà vegn il festival dad in team enturn Dennis Schneider. Per el è impurtant che indigens profiteschan:
«Indigens survegnan entrada libra e nus collavurain cun interpresas regiunalas dapertut nua che quai è pussaivel.»
Il festival da musica electronica duai avair lieu mintga dus onns.