Siglir tar il cuntegn

Header

cuntegn

Farera ha era ditg Gea Gea per ulteriurs 10 onns Parc Natiral Beverin

Nov vischnancas purtadras han da decider davart la prolungaziun dal contract. Las davosas vischnancas decidan il december. Il contract dal parc duai valair per ils onns 2023 – 2032. Il parc ha in preventiv da passa 3 milliuns francs ad onn. Radund 73’000 francs derivan da las vischnancas purtadras.

Andeer

Andeer è l’emprima vischnanca purtadra ch’ha decidì davart la prolungaziun dal contract. La radunanza communala d’Andeer ha approvà ils 6 d'october cun 33 encunter 0 vuschs il contract dal Parc Natiral Beverin.

audio
Ramona Liebeton: «Quai ans legra»
ord RTR Audio dals 07.10.2021.
laschar ir. Durada: 17 Secundas.
Thomas Buchli (san.), il president dal Parc Natiral Beverin, Hans Andrea Fontana il president communal e Ramona Liebeton
Legenda: Thomas Buchli (san.), il president dal Parc Natiral Beverin, Hans Andrea Fontana il president communal d'Andeer e Ramona Liebeton, la directura dal parc sa legran dal cler Gea dal suveran d'Andeer. RTR, Federico Belotti

Tschappina

Ils 18 da november ha era Tschappina approvà il contract. Quai cun 61% da las vuschs.

Valragn

Ils 26 da november han quels da Valragn approvà il contract cun 93% da las vuschs.

Sufers

Il contract e vegnì approvà unanimamain ils 26 da november.

Farera

Sco 5avla vischnanca ha Farera decis l'emprim da december da renovar il contract dal Parc Natiral Beverin per ils proxims 10 onns.

Cu decidan tschellas vischnancas?

Avrir la box Serrar la box

10 da december:

  • Rongellen
  • Ziràn-Reschen
  • Muntogna da Schons

16 da december:

  • Stussavgia

RTR novitads 06:00

Artitgels legids il pli savens

Scrollar a sanestra Scrollar a dretga