A Farera resta il pe da taglia l'auter onn tar 70% da la taglia chantunala simpla, quai ha la radunanza communala decidì. Medemamain ha il suveran approvà il preventiv per l'auter onn.
Tar entradas totalas da 3,8 milliuns francs serra quel cun in minus da bun 360'000 francs. Votantas e votants da Farera han plinavant concedì in credit da 185'000 francs, tranter auter per remplazzar la punt «Pro Sur Ragn».
Per augmentar la «liquiditad» han els ed ellas plinavant approvà la vendita da duas tegias d'alp, ina chasetta da rument ed in plaz da garascha sco servitut.
