Datiers d'Alvagni, 6 kilometers sut la surfatscha, hai dà in terratrembel cun ina fermezza da 2,6. Radund 60 persunas da la regiun hajan rapportà in tremblar, per part er tuns sco d'ina detunaziun. Quels tuns sajan tipics per terratrembels, rapporta il Servetsch seismologic svizzer. Ils tuns vegnan da las undas dal terratrembel ed èn in fenomen secundar.
Tenor il servetsch n'èsi betg da quintar cun donns. Per cumparegliar: Il pli ferm dals terratrembels en la Tirchia è stà bunamain 100'000 giadas pli ferms (7,6). Quai perquai ch'in pass sin la scala da Richter correspunda ad in terratrembel ch'è 10 giadas pli ferm (scala logaritmica).
audio
Per tadlar: las novitads da las 06:00
ord RTR Audio dals 02.03.2023.
laschar ir. Durada: 4 minutas 48 Secundas.