30 persunas èn stadas a la radunanza communala da Ferrera da venderdi, ch'avess gì d'eleger in president u ina presidenta communala. Quai suenter ch'il president actual Hubert Weibel aveva annunzià da sa retrair sin la fin da l'onn. I n'è dentant betg gartegià d'occupar il post, uschia ch'el è vacant. Perquai segnan las quatter persunas che fan part a la suprastanza per la direcziun da la vischnanca, ha ditg envers l'agentura da novitads FMR Hubert Weibel.
Remplazzà in um ed ina dunna en suprastanza
Demissiunà avevan era il suprastant Viktor Schwarz e la suprastanta Chiara Caspar. Per lur successiun ha la radunanza communala da Ferrera elegì da nov Tina Caspar e Marc Fürsinger. Vitiers ha il suveran approvà il preventiv 2022 che quinta tar expensas da 2,3 milliuns francs cun in deficit da 191'000 francs.
Il pe da taglia da Ferrera resta tar 100% da la taglia chantunala simpla.
