Siglir tar il cuntegn

Header

cuntegn

Ferrera/Schmitten Visà contracts cun consorzi da scola en Val d'Alvra

La vischnanca da Ferrera/Schmitten ha visà il contract cun il Consorzi da scola Belfort davains sin il proxim onn da scola. Schmitten vul trametter ils scolarets e scolars a Tavau a scola a partir da l’onn da scola 2023/24, quai sin basa d’ina decisiun da la radunanza communala.

Visà ha la vischnanca era il contract cun il consorzi da la scola superiura Alvra, quai sin l’onn da scola 2024/25. Schmitten saja il mument en discussiuns cun Tavau per sclerir ils detagls, e sch’ina midada dal lieu da scola saja pussaivel. Quai ha ditg la suprastanta Tina Caspar sin dumonda dad RTR.

Il mument van ils uffants da Schmitten a scola ad Alvagni ed a Casti. La regenza grischuna era da l’avis ch’ils uffants da Schmitten duessan restar en ils consorzis da scola da la Val d’Alvra. La Dretgira administrativa grischuna ha lura decis – che l’autonomia communala da Schmitten saja pli impurtanta che la scola cuminaivla en la val.

RTR novitads 18:00

Artitgels legids il pli savens

Scrollar a sanestra Scrollar a dretga