Siglir tar il cuntegn
cuntegn

Grischun Central Furnaria «Stgier» tegna tuttina averta la butia a Savognin

Il schaner aveva la furnaria «Stgier» anc communitgà, ch'ella stoppia serrar las duas filialas a Savognin e Lai. Tenor in artitgel en La Pagina da Surmeir resta la filiala a Savognin uss dentant tuttina averta, almain durant la stagiun auta.

La pasternaria Stgier a Savognin resta averta il fanadur/avust e tranter Nadal e Pasca.
Legenda: La pasternaria Stgier a Savognin resta averta il fanadur/avust e tranter Nadal e Pasca. RTR, F. Belotti

Il schaner passà aveva Claudio Stgier, il patrun da la furnaria «Stgier», confermà a RTR, che las butias a Lai e Savognin rendian adina pli pauc e ch'el stoppia perquai serrar quellas duas filialas.

Buna offerta per localitad a Savognin

Sco la Pagina da Surmeir rapporta, resta la filiala a Savognin dentant averta vinavant, almain durant las stagiuns autas, vul dir il fanadur/avust e tranter Nadal e Pasca. Claudio Stgier ha confirmà a la gasetta, ch'el haja survegnì bleras reacziuns sin sia communicaziun, ch'el stoppia serrar las duas filialas. Era haja la Pianta SA fatg ina buna offerta per la localitad da la butia a Savognin en il bajetg da l'hotel Danilo. Uschia haja el decidì da tuttina laschar averta la butia a Savognin durant la stagiun auta.

RR novitads 15:00