Legenda:
In indriz che stida fieu automaticamain avess savì evitar che la Landi brischa uschè spert.
RTR, Linus Livers
cuntegn
Grischun Central - Nagin sistem automatic cunter fieu en la Landi a Tusaun
La Landi a Tusaun, ch'è brischada giu avant in'emna dal tuttafatg, è stada en flommas entaifer be paucas minutas. In emprendist aveva dà fieu al bajetg. Per Marco Sgier da l'assicuranza da fieu dal Grischun era spert cler, ch'i na saja betg stà in accident.
Cunquai che la Landi venda liquids sco benzin, ieli e liquid per schubregiar il vaider dal auto è il bajetg da la Landi a Tusaun brischà uschè spert. Sche quels liquids brischian, possia propi ir spert, di Marco Sgier da l'assicuranza d'edifizis.
Nagin indriz automatic da stizzar fieu
Pudì impedir il fieu, ni almain impedir che la butia brischia uschè spert, avess in indriz che stida fieu automaticamain. Quel è dentant betg perscrit per ina butia en questa grondezza e ch'è mo sin in plaun.
