Siglir tar il cuntegn

Header

cuntegn

Grischun Central Servetsch da salvament schlargia sia purschida a Lai

Il servetsch da salvament Grischun Central schlargia l'offerta da la basa a Lai durant l'enviern. A partir dals 24 da december enfin ils 9 d'avrigl datti in servetsch da 24 uras. La raschun è ch'ins ha fatg fitg bunas experientschas durant la fasa da test, han communitgà il Center da Sanadad Savognin SA e l’ospital da Tusaun che mainan communablamain il servetsch da salvament. Durant ils trais mais da test la stad ha il servetsch da salvament gì 145 acziuns, da quellas 100 giadas en las fracziuns da la vischnanca da Vaz e da Lantsch. Grazia a la basa a Lai ha il temp fin l'arrivada al lieu pudì vegnir reducida marcantamain e l’ambulanza è stada fin 25 minutas pli baud tar il pazient.

Ultra da quai vegn durant la stagiun auta era la basa a Casti ad esser occupada durant il di. Las duas ulteriuras basas èn a Tusaun e Savognin. La primavaira vegn l'offerta lura evaluada da nov ed ins decida nua che las basas vegnian ad esser en l'avegnir.

audio
Per tadlar: las novitads da las 20:00
ord RTR Audio dals 20.12.2022.
laschar ir. Durada: 3 minutas 19 Secundas.

RTR novitads 20:00

Artitgels legids il pli savens