-
Bild 1 von 3. Marcel Heinrich sin ina da sias plantaschas da tartuffels a Filisur. Bildquelle: RTR, Federico Belotti.
-
Bild 2 von 3. Ina prova da tartuffels. Bildquelle: RTR, Federico Belotti.
-
Bild 3 von 3. Vista sin ina da las plantaschas da tartuffels. Bildquelle: RTR, Federico Belotti.
Cun quai ch’el ha regularmain bagnà las diversas plantaschas, quinta Marcel Heinrich dentant tuttina cun ina buna racolta, però cun ina paisa sut la media dals davos onns. Cun tartuffels pli pitschens n'haja el dentant nagins problems, perquai che ses tartuffels na stoppian betg correspunder ad ina tscherta grondezza, sco quai ch'igl è il cas tar l'industria gronda da tartuffels. I dettia perfin cuschiniers che prefereschian tartuffels pli pitschens u cun ina furma speziala.
Anc n'è betg tut cler
Il mument sajan quai supposiziuns sin basa da provas ch’el haja prendì or da la terra: «Tge grondezza e tge qualitad ch’ils tartuffels han lura propi, vesain nus pir cura che la racolta ha entschet», ha ditg Marcel Heinrich. Il bain puril Las Sorts da Filisur producescha en media radund 50 tonnas tartuffels da bio. Tar ses clients tutgan era cuschiniers da renum sco Andreas Caminada che maina l’ustaria Schauenstein a Farschno.
RR actualitad 17:00