Ingiant - Banca cumpra Bellaluna Filisur - Novitads

Ingiant Banca cumpra Bellaluna Filisur

La Banca CIC cun sedia a Basilea, ha ingiantà oz tar in’aucziun da l’uffizi da concurs da Casti, l’anteriura ustaria Bellaluna a Filisur. Il pretsch da cumpra munta a 1'035'000 francs. Quai èn passa 250'000 francs dapli che la stimaziun da l’uffizi da concurs.

Autur: RTR, Federico Belotti

Kevin Steiger, il directur da la banca ha ditg envers RTR, che l’immobiglia ch'è dapi tschintg onns serrada, duess proximamain ir en vendita. Enfin ch’ins haja chattà in cumprader per l’immobiglia, vegnia la banca a far las investiziuns necessarias per mantegnair la valur da l’immobiglia. Il favrer da l’onn passà è mort l’anteriur possessur da l’ustaria Bellaluna, ils ertavels avevan refusà l’ierta.