-
Bild 1 von 18. Il "Fliegender Rätier" cursescha tranter Filisur ed Alvagni. Bildquelle: RTR, Federico Belotti.
-
Bild 2 von 18. Il conductur Luzi Oberer accumpogna il tren istoric. Bildquelle: RTR, Federico Belotti.
-
Bild 3 von 18. Roman Cathomas da la Viafier retica che maina il project da l'inscenaziun Landwasser tar la staziun temporara. Bildquelle: RTR, Federico Belotti.
-
Bild 4 von 18. Questa senda da viandar maina da la staziun temporara da la Viafier retica tar in punct panoramic cun vista sin il viaduct da la Landwasser. Bildquelle: RTR, Federico Belotti.
-
Bild 5 von 18. La plattafurma cun vista sin il viaduct da la Landwasser. Bildquelle: RTR, Federico Belotti.
-
Bild 6 von 18. Vista sin il viaduct da la Landwasser davent da la plattafurma panoramica. Bildquelle: RTR, Federico Belotti.
-
Bild 7 von 18. Sut il viaduct da la Landwasser. Bildquelle: RTR, Federico Belotti.
-
Bild 8 von 18. Jeannine Maillard tar il café temporar sut il viaduct da la Landwasser. Bildquelle: RTR, Federico Belotti.
-
Bild 9 von 18. Da san.: Käthi Stäbler, Verena Bosshard e Marion Barandun han reavert il vegn consum da Filisur, nua ch'i vendan products regiunals. Bildquelle: RTR, Federico Belotti.
-
Bild 10 von 18. Il pur Andrea Paul Accola. Bildquelle: RTR, Federico Belotti.
-
Bild 11 von 18. In tren da vapur sin il bain puril a Filisur. Bildquelle: RTR, Federico Belotti.
-
Bild 12 von 18. Sin il bain puril da Andera Paul Accola pon giugar cun ils animals. Bildquelle: RTR, Federico Belotti.
-
Bild 13 von 18. Vaguns istorics cun ustaria a Filisur. Bildquelle: RTR, Federico Belotti.
-
Bild 14 von 18. In tren electric sin il bain puril dad Andrea Paul Accola. Bildquelle: RTR, Federico Belotti.
-
Bild 15 von 18. Cun questa locomitiva a vapur èsi pussaivel da far viadis sin il bain puril dad Andra Paul Accola a Filisur. Bildquelle: RTR, Federico Belotti.
-
Bild 16 von 18. Ina figura da l'artist indigen Roman Platz sin la staziun dad Alvagni. Bildquelle: RTR, Federico Belotti.
-
Bild 17 von 18. Ina figura da l'artist indigen Roman Platz sin la staziun dad Alvagni. Bildquelle: RTR, Federico Belotti.
-
Bild 18 von 18. Las dus soras Flurina e Selina Caspar vendan products indigens en la staziun da Alvagni. Bildquelle: RTR, Federico Belotti.
«Schmitten Landwasserviadukt» sa numna la staziun provisorica nua ch’in tren istoric ferma regularmain durant il test. Davent da la staziun ins cuntanscha aifer tschintg minutas ina plattafurma cun ina grondiusa vista sin il viaduct da la Landwasser.
Attracziuns per grond e pitschen
I dat era bleras autras attracziuns, uschia cursescha in auter tren istoric da Filisur a Tagn/Wiesen. A Filisur hai in'exposiziun da vaguns istorics cun ina pitschna ustaria.
Ed en il vegl consum da Filisur ed en la staziun dad Alvagni èsi pussaivel da cumprar products da la regiun. A Filisur pon ins prender a fit trottinets electrics, e sin il bain puril da Andrea Paul Accola a Filisur pon ils uffants far rundas cun in pitschen tren a vapur, e visitar ils animals dal bain puril.
Sustegn dal maun public
Cun quests dis d’attracziun vul la regiun en collavuraziun cun la Viafier retica testar, co questas differentas attracziuns vegnan acceptadas dals visitaders. Il plan è, da far ina purschida permanenta a partir dal 2023. Il project vegn era sustegnì dal chantun e da la Confederaziun, quai en il rom da la nova politica regiunala NPR.