Inscenaziun Landwasser - Test cun diversas attracziuns e staziun temporara
Il viaduct da la Landwasser e ses conturn duain vegnir inscenads e daventar in lieu d’excursiun da stad impurtant. Anc enfin la dumengia ils 18 d’october marscha in test cun diversas attracziuns. I dat er ina nova staziun da viafier.
1 / 18
Legenda:
Il "Fliegender Rätier" cursescha tranter Filisur ed Alvagni.
RTR, Federico Belotti
2 / 18
Legenda:
Il conductur Luzi Oberer accumpogna il tren istoric.
RTR, Federico Belotti
3 / 18
Legenda:
Roman Cathomas da la Viafier retica che maina il project da l'inscenaziun Landwasser tar la staziun temporara.
RTR, Federico Belotti
4 / 18
Legenda:
Questa senda da viandar maina da la staziun temporara da la Viafier retica tar in punct panoramic cun vista sin il viaduct da la Landwasser.
RTR, Federico Belotti
5 / 18
Legenda:
La plattafurma cun vista sin il viaduct da la Landwasser.
RTR, Federico Belotti
6 / 18
Legenda:
Vista sin il viaduct da la Landwasser davent da la plattafurma panoramica.
RTR, Federico Belotti
7 / 18
Legenda:
Sut il viaduct da la Landwasser.
RTR, Federico Belotti
8 / 18
Legenda:
Jeannine Maillard tar il café temporar sut il viaduct da la Landwasser.
RTR, Federico Belotti
9 / 18
Legenda:
Da san.: Käthi Stäbler, Verena Bosshard e Marion Barandun han reavert il vegn consum da Filisur, nua ch'i vendan products regiunals.
RTR, Federico Belotti
10 / 18
Legenda:
Il pur Andrea Paul Accola.
RTR, Federico Belotti
11 / 18
Legenda:
In tren da vapur sin il bain puril a Filisur.
RTR, Federico Belotti
12 / 18
Legenda:
Sin il bain puril da Andera Paul Accola pon giugar cun ils animals.
RTR, Federico Belotti
13 / 18
Legenda:
Vaguns istorics cun ustaria a Filisur.
RTR, Federico Belotti
14 / 18
Legenda:
In tren electric sin il bain puril dad Andrea Paul Accola.
RTR, Federico Belotti
15 / 18
Legenda:
Cun questa locomitiva a vapur èsi pussaivel da far viadis sin il bain puril dad Andra Paul Accola a Filisur.
RTR, Federico Belotti
16 / 18
Legenda:
Ina figura da l'artist indigen Roman Platz sin la staziun dad Alvagni.
RTR, Federico Belotti
17 / 18
Legenda:
Ina figura da l'artist indigen Roman Platz sin la staziun dad Alvagni.
RTR, Federico Belotti
18 / 18
Legenda:
Las dus soras Flurina e Selina Caspar vendan products indigens en la staziun da Alvagni.
RTR, Federico Belotti
«Schmitten Landwasserviadukt» sa numna la staziun provisorica nua ch’in tren istoric ferma regularmain durant il test. Davent da la staziun ins cuntanscha aifer tschintg minutas ina plattafurma cun ina grondiusa vista sin il viaduct da la Landwasser.
Attracziuns per grond e pitschen
I dat era bleras autras attracziuns, uschia cursescha in auter tren istoric da Filisur a Tagn/Wiesen. A Filisur hai in'exposiziun da vaguns istorics cun ina pitschna ustaria.
Ed en il vegl consum da Filisur ed en la staziun dad Alvagni èsi pussaivel da cumprar products da la regiun. A Filisur pon ins prender a fit trottinets electrics, e sin il bain puril da Andrea Paul Accola a Filisur pon ils uffants far rundas cun in pitschen tren a vapur, e visitar ils animals dal bain puril.
audio
Il viaduct da la Landwasser duai daventar in grond magnet turistic
04:25 min, ord Actualitad dals 14.10.2020.
laschar ir. Durada: 4 minutas 25 Secundas.
Sustegn dal maun public
Cun quests dis d’attracziun vul la regiun en collavuraziun cun la Viafier retica testar, co questas differentas attracziuns vegnan acceptadas dals visitaders. Il plan è, da far ina purschida permanenta a partir dal 2023. Il project vegn era sustegnì dal chantun e da la Confederaziun, quai en il rom da la nova politica regiunala NPR.