Tar l’exposiziun da cooperaziun èn vegnidas inoltradas 14 criticas, ha communitgà l’uffizi da construcziun. Tranter auter vegn crititgà:
- ch’il project cun 500 letgs saja surdimensiunà ed opticamain betg plaschaivel
- che l’access tar il ressort da vacanzas na saja betg adattà, i saja strusch pussaivel che 700 autos passan mintga di la stretga tar la mazlaria Spiess
- ils custs da construcziun sajan cun 100 milliuns memia auts
- resalvas datti era tar la puraglia, che teman da perder bler terren agricul
Il president communal da Vaz Aaron Moser ha ditg, che tut las remartgas vegnian pigliadas seriusas, impurtant saja sch’ils singuls cas possian vegnir reglads senza in derschader. Ils 24 da november duess il suveran da Vaz pudair decider davart il project da hotel.
RR novitads 06:00
