La radunanza communala da Lantsch ha approvà unanimamain il preventiv 2023 cun in gudogn da 44'400 francs - quai tar entradas ed extradas da mintgamai passa 8 milliuns francs. Il pe da taglia resta tar 75% da la taglia chantunala simpla.
Ulteriuras decisiuns:
- Il suveran ha era approvà in scumond absolut da fieus artifizials. Las vischnancas vischinas han gia introducì in tal scumond.
- Plinavant vegni a dar ina zona da ruaus per selvaschina en la regiun Gôt la Tgoma-Bual. Quella vala dals 20 da december fin ils 20 da matg.
- La radunanza ha era ditg Gea ad in credit da 125'000 francs per in studi davart la realisabladad e project preliminar davart il management d'aua.