Il suveran da Lantsch ha approvà il quint e rapport annual 2021. Quel serra cun in gudogn da 157’886 francs, quai tar entradas da stgars 9’264’000 ed expensas da bun 9'100’000 francs. Il chapital agen da la vischnanca è tar bun 7’400’000 francs.
La radunanza communala ha era approvà unanimamain las revisiuns parzialas da lescha pervia da l'introducziun dal model direcziun communal.
Mesiras cunter auas grondas
A la radunanza communala è er vegnì deliberà in credit da 4'620'000 francs per mesiras cunter auas grondas da Val Tschietschen e Runcalatsch. Quels projects ston vegnir realisads cunquai ch'ils ultims onns è vegnì construì fermamain a Lantsch. Probablamain vegnan questas lavurs subvenziunadas cun 35% da la Confederaziun e cun 20% dal chantun. La deliberaziun dal credit sto dentant anc ir avant urna.
