Ina gronda midada na saja quai betg per el, di il president communal Simon Willi. La responsabladad saja medem gronda – enstagl da decider en la suprastanza communala saja il gremi da decisiun ussa la direcziun cun il chanzlist ed il manader dal lavuratori.
Legenda:
Simon Willi
Toni Poltera
La suprastanza communala possia ussa sa concentrar sin lavurs strategias, la direcziun saja la part operativa. Il favrer avevan radund 75% da las votantas e dals votants decidì la midada per introducir il nov sistem da direcziun. Cun acceptar en la radunanza communala er las midadas da lescha, è ussa la direcziun er legitimada.
Quant grond ch'il pensum vegn ad esser per el, na sa Simon Willi il mument anc betg. Avant eran quai 50% – el quinta che quai restia circa medem.
