Siglir tar il cuntegn

Header

Navigaziun

Legenda: Guardar il video Il luf è puspè activ. Durada 02:37 minutas.
Or da sil punct dals 08.08.2019.
cuntegn

Luf Gronds sforzs per proteger

In luf ha mazzà 12 nursas sin l'alp Gren a Sursaissa l'emna passada. Tschintg giadas dapli – passa 60 stgarps – hai dà l'onn passà sin la Stutzalp sur Spleia.

Cumplettamain surprendids sajan els stads da las attatgas dal luf, sa regorda il chau d'alp da la Stutzalp, Kaspar Nicca. Uschia n'hajan ins er betg pudì reagir immediat. Ins na saja betg stà preparà per metter en claus las nursas e proteger bain avunda ellas. Perquai haja duvrà in tschert temp enfin ch'ins haja gi il material per far saiv. Ma er la saiv da protecziun n'haja betg pudì tegnair davent cumplettamain il luf.

La collavuraziun cun il chantun saja bain stada buna, declera Kaspar Nicca. Era hajan ins elavurà in concept d'urgenza. La cuntrada da la Stutzalp è taissa – far saiv saja perquai betg uschè simpel. Chauns da muntanera n'han ins fin uss betg. Dentant vegnia quai schon en dumonda per ils fittadins. Uschia ni uschia – ils sforzs per pudair proteger be pli u main ils animals dal luf sajan enorms.

RR actualitad 17:00