Mancanza da cuschinier - Divers ustiers da Savognin tschertgan in cuschinier - Novitads

Mancanza da cuschinier Divers ustiers da Savognin tschertgan in cuschinier

I para dad esser difficil da chattar in cuschinier ch’ha emprendì la professiun. L'hotel Danilo, la Stiva da vin da Florian sco er l'hotel Arlos tschertgan in cuschinier. L'hotel Arlos ha ord mancanza d’in cuschinier schizunt serrà sias portas ils sis da schaner.

Autur: Federico Belotti

La Stiva da vin da Florian tschertga in cuschinier.

Perquai ch'il hotel Arlos n'ha chattà nagin ustier, è el serrà il mument.

audio

Bunura: Mancanza cuschiniers – 4 hotels a Savognin en tschertga

ord Actualitad dals 24.01.2020.

laschar ir. Durada: 3 minutas 30 Secundas.

Tar Gastro Grischun, l’associaziun per l'hotellaria e la gastronomia, conferman ins ina mancanza da cuschiniers. Il davos temp saja la problematica da chattar cuschiniers scolads vegnida pli gronda, di Marc Tischhauser, il manader da fatschenta da Gastro Grischun. Sin la pagina d’internet job-room.ch èn actualmain scrittas or radund 70 plazzas da cuschinier en il Grischun.

Ina da las raschuns per la mancanza: oz fetschian mintg’onn mo pli radund 50 giuvenils dal Grischun in emprendissadi sco cuschinier. Avant diesch onns eran quai anc 100 ad onn, declera Marc Tischhauser.