La mesemna è l'entira scola da Donat sa messa en viadi vers Berna. Pervi dal martgà dals parcs svizzers han las scolaras ed ils scolars embellì il di cun chantar. Uschia han visitadras e visitaders pudì giudair sper las spezialitads sin il martgà era chant rumantsch en la chapitala.
Dal Grischun eran sper il Parc da natira Beverin er il Parc Ela, la biosfera Val Müstair ed il Parco Val Calanca represchentads a Berna.
