Siglir tar il cuntegn

Header

video
Tavla da commemoraziun per persunas pertutgadas da mesiras repressivas
Or da Telesguard dals 11.05.2022.
laschar ir. Durada: 2 minutas 52 Secundas.
cuntegn

Mesiras repressivas a Realta Tavla da bronz regorda a persunas pertutgadas

Cun la construcziun da la nova praschun a Realta ha il Servetsch archeologic dal chantun Grischun exchavà l'onn 2016 l'anteriur santeri dal stabiliment Realta. Las 103 baras chattadas èn vegnidas examinadas per pudair dir dapli davart l'effect da mesiras repressivas sin ils corps da las persunas pertutgadas. Il studi scientific ha mussà che las persunas avevan savens problems da sanadad e che la vita en l'instituziun è stada dira.

Per exempel mussan l'ossa alimentaziun manglusa ubain ruttadiras che demussan violenza.
Autur: Thomas Reitmaier Archeolog chantunal

Uss èn tut las retschertgas en connex cun l'instituziun e ses santeri serradas giu, scriva il chantun. Regurdar a las persunas pertutgadas duai ina tavla da bronz ch'è sper l'instituziun giudiziala Realta a Cazas. Ina tavla er impurtanta per la presidenta da vischnanca Pascale Steiner.

Igl è fitg impurtant, ch'ins n'emprova betg simplamain d'emblidar uschia in chapitel da l'istorgia, mabain ch'ins sa regorda dals pertutgads sco er dal lieu. Ins duai savair, che quai è stà a Cazas.
Autur: Pascale Steiner Presidenta communala da Cazas

Chasa da correcziun Realta

L'instituziun cun il num «Chasa da correcziun chantunala Realta» è vegnida construida a partir da l'onn 1854 a Cazas. Tier la chasa tutgava in agen santeri. Plazzadas en la chasa vegnivan umens e dunnas da tuttas vegliadetgnas che valevan sco povras u pativan d'ina malsogna psichica. Da lez temp vegniva povradad considerada sco consequenza d'in cumportament fallà d'ina persuna. Per che talas persunas na sajan betg ina chargia per famiglia, vischnanca e societad èn ellas vegnidas plazzadas en instituziuns ed han patì da mesiras repressivas. Il santeri da la chasa da correcziun da Realta è vegnì duvrà enfin ils onns 1930.

Ord l'archiv

Il 2019 ha il chantun preschentà ils resultats da las retschertgas sin il santeri da l'anteriura chasa da correcziun Realta.

video
Studi archeologic davart chasa da corecziun Realta
Or da Telesguard dals 13.05.2019.
laschar ir. Durada: 3 minutas 27 Secundas.

RTR novitads 12:00

Artitgels legids il pli savens