Cunter la dumonda da bajegiar da la tur da betun a Mulegns hai dà plirs recurs. Tranter auter vegn crititgà che la tur che Origen vul construir disturbia il maletg dal vitg. Era na saja betg vegnì resguardà il termin d’exposiziun da 30 dis. La vischnanca Surses examinescha ussa ils divers recurs.
La nova fundaziun Origen vul collavurar cun la Scola politecnica da Turitg ed empruvar ora ina nova tecnologia da stampar bajetgs da betun. In stritg tras il quint pudessan far ils abitants da Mulegns. L’avertura da la tur è planisada il 2023. La vischnanca da Surses vegnia a tractar ils recurs entaifer las proximas emnas, ha ditg il president communal Leo Thomann envers RTR. L'intendant da Origen Giovanni Netzer che vul bajegiar la tur, di il mument nagut. Sco ch'i saja usità, dettia Origen nagins commentaris tar proceduras betg terminadas.
1 / 9
Legenda:
Ils profils na sajan betg stads montads endretg vegn fatg valair en il recurs.
mad Ursula Jegher
2 / 9
Legenda:
Ils profils na sajan betg stads montads endretg vegn fatg valair en il recurs.
mad Ursula Jegher
3 / 9
Legenda:
Qua duess la tur alva vegnir «stampada».
Federico Belotti
4 / 9
Legenda:
In model da la tur è exponì en la Chas'Alva a Mulegns.
Federico Belotti
5 / 9
Legenda:
Qua duess la tur alva vegnir «stampada». La garascha è gia vegnida demolida.
Federico Belotti
6 / 9
Legenda:
Ursula e Giatgen Jegher n'èn betg d'accord cun la tur alva.
Federico Belotti
7 / 9
Legenda:
Maja Poltera n'ha betg plaschair da la tur alva che duai vegnir construida da manaivel da sia chasa.
Federico Belotti
8 / 9
Legenda:
Vista sin il lieu nua che la tur duess vegnir bajegiada.
Federico Belotti
9 / 9
Legenda:
Là nua ch'i vegn il mument lavurà, duess vegnir construida la tur alva.
Federico Belotti
