Siglir tar il cuntegn

Header

audio
Mulegns: Divers recurs cunter la tur alva
Or da Actualitad dals 14.06.2022.
abspielen. Laufzeit 4 minutas 37 Sekunden.
cuntegn

Mulegns Divers recurs cunter la tur da Origen

Cunter la dumonda da bajegiar da la tur da betun a Mulegns hai dà plirs recurs. Tranter auter vegn crititgà che la tur che Origen vul construir disturbia il maletg dal vitg. Era na saja betg vegnì resguardà il termin d’exposiziun da 30 dis. La vischnanca Surses examinescha ussa ils divers recurs.

La nova fundaziun Origen vul collavurar cun la Scola politecnica da Turitg ed empruvar ora ina nova tecnologia da stampar bajetgs da betun. In stritg tras il quint pudessan far ils abitants da Mulegns. L’avertura da la tur è planisada il 2023. La vischnanca da Surses vegnia a tractar ils recurs entaifer las proximas emnas, ha ditg il president communal Leo Thomann envers RTR. L'intendant da Origen Giovanni Netzer che vul bajegiar la tur, di il mument nagut. Sco ch'i saja usità, dettia Origen nagins commentaris tar proceduras betg terminadas.

RTR actualitad 17:00

Artitgels legids il pli savens

Scrollar a sanestra Scrollar a dretga