Siglir tar il cuntegn

Header

video
Fundaziun Origen ha inaugurà l’hotel Liun a Mulegns
Or da Telesguard dals 04.06.2021.
laschar ir
cuntegn

Mulegns Hotel Liun è avert – ma mo per part

Venderdi è vegnida festivada la reavertura da l'hotel Liun, ch’è en possess dal festival cultural Origen. Pleds festivs hai dà tranter auter dal minister da cultura Jon Domenic Parolini, e da la scheffa da l’Uffizi federal da cultura Isabelle Chassot.

La festa d’avertura è stada da vesair sur in livestream. A la festa d’avertura è era stà preschent il star-cuschinier Andreas Caminada. El ha tranter auter raquintà avart ses project cultural culinaric a Farschno/Fürstenau.

audio
Avertura da l'hotel Liun cun prominenza
03:27 min, Actualitad dals 04.06.2021.
laschar ir. Durada: 03:27 minutas.

Avert a partir da dumengia

Il hotel Liun a Mulegns avra uffizialmain a partir dals 6 da zercladur. Averta è l’ustaria da l'hotel, e chombras ch’han tuttas differents stils pon vegnir contempladas. Pernottar duess esser pussaivel a partir da la primavaira dal 2022. Sco quai che Giovanni Netzer, il possessur dal hotel ed intendant da Origen, ha ditg sajan ins actualmain anc vi da rimnar daners per pudair cumenzar cun la renovaziun da las chombras a partir da l’atun. Renovada duai era vegnir la cuschina da l'hotel.

Era la Villa Alva avra

La dumengia avra era la Villa Alva dasperas l'hotel Liun. Davant la villa duai dar in café en il liber. En l’avegnir duess la Villa Alva daventar in museum, che raquinta dals pastiziers Grischuns ch'èn ids ora en il mund a far carriera, ed èn pli tard per part puspè returnads en lur patria.

RTR actualitad 17:00

Artitgels legids il pli savens

Scrollar a sanestra Scrollar a dretga