Siglir tar il cuntegn

Header

Uschia avess il hotel vesì ora, sch'el fiss vegnì realisà.
Legenda: Uschia avess il hotel vesì ora, sch'el fiss vegnì realisà. mad
cuntegn

Nagin nov hotel al Stradun In project da hotel pli pauc a Savognin

Il project da construir in nov hotel al Stradun a Savognin ha fatg naufragi. Gist dasper la garascha Bruseghini vuleva Willy Ebneter construir in hotel da quatter stailas cun 35 suitas.

Sco ch’igl è da leger en il fegl uffizial, ha la suprastanza communala da Surses ordinà, da rezonar la parcella 4042 Sandeilas ch’è en possess da la Ebneter Consult SA. Da nov n'èsi betg pli ina zona da hotels, mabain ina zona d’abitadi. La raschun per la rezonaziun è ch’il project «hotel Savognin» n’è betgn vegnì realisà aifer il temp prescrit. Sco quai che l’iniziant dal hotel Willy Ebneter ha ditg sin dumonda da RTR, na saja Savognin betg adattà per in hotel da quatter stailas. Sch’el veglia realisar in nov project da hotel en l’avegnir laschia el anc avert.

La parcella 4042 n'è betg pli ina zona da hotels.
Legenda: La parcella 4042 n'è betg pli ina zona da hotels. geogr.ch
audio
Per tadlar: Las novitads da las 21:00
03:19 min, RTR Audio dals 30.04.2021.
laschar ir. Durada: 03:19 minutas.

RTR novitads 20:00

Artitgels legids il pli savens

Scrollar a sanestra Scrollar a dretga